那些年 我們一起的天與地 得得 真係得得

那些年 我們一起的天與地 得得 真係得得

用得上得得, 何俊仁呢次仲唔得得!??

那些年 我們一起的天與地 得得 真係得得
山寨沈佳宜　戀上鐵頭仁
2012年02月13日
何俊仁參選特首宣傳片「那些年，我們一起的天與地」part 1

特首極黑馬何俊仁，民望一如所料大落後。可能佢都發現形勢不妙，決定開番部戲谷吓人氣。白鴿黨最快本周四將上映一套片長逾 10分鐘、名叫《那些年，我們一起的天與地》嘅參選特首短片。呢個片名聽落有點 Cult，由清純女子飾演嘅「佳儀」，沒有戀上「柯騰」，反而愛上「鐵頭仁」。呢個情節聽到都覺得「奇妙」。大家放心，何俊仁係唔會親自落場做男主角嘅。

民主黨食住《那些年》熱潮，製作短片為何俊仁入閘選特首造勢。

戴眼鏡嘅就係少年版鐵頭仁，前面拎住杯紅酒嗰位，唔使講係邊位喇啩？

女主角本屬意吳思諾
劇本將《那些年，我們一起追的女孩》同埋電視劇《天與地》炒埋一碟，大玩青葱歲月同平行時空，全片有上下兩集共 10多分鐘，本周尾喺 YouTube首映。呢套片嘅監製同編劇林子健話，套片係講述女主角佳儀年少無知，戀上代表唐英年兼梁振英化身「阿權」，只顧裝模作樣，捍衞地產金融霸權。同樣愛上佳儀嘅鐵頭仁，曾經相約佳儀睇《昂山素姬》，結果被請「食檸檬」。
套片有下集，講述各人已經長大，佳儀終於睇清楚「二惡英」嘅真面目。呀！唔係唔係，應該係睇清楚阿權嘅真面目，不恥阿權嘅霸權行為，同佢分手，最終戀上鐵頭仁。

《那些年，我們一起的天與地》女主角係澳門人得得，外貌清純，仲好有戲。
講咗咁耐，邊個係山寨版沈佳宜先？林子健話原本安排由已故民主黨立法局議員吳明欽嘅女兒吳思諾擔綱，貪佢夠清純，但係思諾因為私人理由推咗部戲。林子健話頂上嘅女主角係佢嘅 22歲表姨甥得得，雖然得得係澳門人，但一樣係追求民主。得得真係好得，皆因有段戲要佢喊，點知佢好自然咁喊咗出嚟，技驚四座。
子健話，鐵頭仁則由扮過歐陽震華、談吐有仁哥影子嘅民主黨新丁劉俊業飾演，至於阿權則由黨友黃子希擔綱，貪佢講嘢夠豬狼咁寸嘴喎！
http://www1.hk.apple.nextmedia.com/template/apple/art_main.php?iss_id=20...