Rapoo H8000 無線耳筒 經濟好用

Rapoo H8000 無線耳筒 經濟又實惠

以HK$268蚊價格, 有如此質素, 絕對係抵!

Rapoo H8000 無線耳筒 經濟又實惠
早輪見有呢個無線電筒產品宣傳片, 手痕痕走去買個玩下!
主要原因係因為同類產品當中呢, 就以佢最平!
想享受一下無線樂趣, 又唔想俾成6-7舊水買個貴野, 就膽粗粗去買囉!

包裝就大陸味, 娘左D!
買左返去一試, 又OK喎! 平平地! 而且接收幾清, 距離亦都可以接受, 除非你屋企幾千呎啦!

掣就得2個, 一係ON/OFF同大細聲
Check過個spec.喇, 大家唔駛查, 呢個H8000, 同名廠6-700蚊個Spec.係一樣既!
咁當然人家個look就型仔好多, 呢個唔反對!

唔駛install野, 一插即同, test過喇, 堅的, PC同Notebook都冇問題! 認到隻手指接收器!
續航力可以連開4-5個小時, 都ok啦! 本身耳筒體積都係細! 最緊要佢夠輕, 帶幾耐都ok!
至於通話質素都ok, 冇lag, 可以做到real time. 問過通話對方都話冇問題!

帶左耳筒個look就係咁架喇! 夠輕係佢優點!
當然, 講到打機用佢就梗係唔work啦! 冇super bass果d野架!
一般聽下歌, 睇下新聞, youtube, 講下msn就冇問題!

跟機配件係冇乜既, 除接收器外, 就得條USB延長線同叉電既線!
咁.....用晌XBOX度又得唔得呢!? Test過....係唔得既, 死心啦!

Conclusion: 唔介意個LOOK既, 就揀佢啦! 要型仔既, 就俾多幾倍價錢買名廠野了!